Во Црна Гора утре ќе се одржат претседателски избори на кои црногорските граѓани со право на глас ќе можат да се определат меѓу двајца кандидати – актуелниот претседател Филип Вујанови од редовите на владејачката Демократска партија на социјалистите (ДПС) и лидерот на опозицискиот Демократски фронт, Миодраг Лекиќ.
Вкупно 1.169 гласачки места ќе бидат отворени во седум часот и на нив вкупно 511.405 црногорски граѓани ќе може да се изјаснуваат до 20 часот.
Овие се шест претседателси избори во Црна Гора од воведувањето на плурализмот и втори од прогласувањето на независноста на земјата во 2006 година.
Покрај ДПС, Вујановиќ ја доби поддршката и на на партиите на бошњачкото, албанското и хрватското малцинство, но не и на помалиот партнер во црногорската владина коалиција, Социјалдемократската партија (СДП), која најави дека нема да поддржи ниту еден од кандидатите, а нејзиниот лидер Ранко Кривокапиќ изјави дека воопшто нема да излезе на гласање.
Лекиќ од друга страна покрај од неговиот Демократски фронт, доби поддршка и од опозициските партии Позитивна Црна Гора и Социјалистичката народна партија.
Изборите ќе ги следат и набљудувачки мисии на ОБСЕ и Парламентраното собрание на Советот на Европа.