Преговорите за повторно обединување на етнички поделениот остров Кипар се во застој, објавија медиумите во Никозија.
Весникот „Филелефтерос“ објави дека вчершаната средба на кипарскиот претседател Никос Анастасиадис со лидерот на кипарските турци Дервиш Ероглу завршила без резултат.
– Дека средбата заврши без договор укажува и тоа што изјава не даде ниту специјалната пратеничка на Обединетите нации за Кипар, Лиза Беденхајм, посочува „Филелефтерос“.
„Политис“ наведува дека лидерите на двете заедници се согласиле да продолжат дискусиите со цел да се постигне договор на нивната следна средба, која е предвидено да се одржи на 2. септември.