Засега непознати лица провалиле во црква во населбата Босанска Бојна, во Велика Кладуша и украле ѕвоно тешко речиси 400 килограми.
Сараевски „Дневни аваз“ пишува дека станува збор за невиден случај и дека во кражбата учествувале повеќе лица, но не се наведува дали ѕвоното е однесено од православната или католичка црква во тоа место.
Се претпоставува дека крадците се искачиле на покривот на црквата, го размонтирале бронзеното ѕвоно, потоа го спуштиле и однеле.
Крадењето на ѕвоното како што се наведува, предизвика голема збрка меѓу мештаните на Босанска Бојна. Ѕвоното има голема историска и културна вредност на овој крај и мештаните апелираат на крадците ѕвоното да го вратат.
Полицијата трага по сторителите, додека, наводно, се пронајдени и одредени траги на местото на случувањето, што би можело да биде трага до извршителите.