Полицијата во Босна и Херцеговина денеска уапси неколку високи царински службеници под обвинение за царински измами, затајување данок и перење на пари во вредност од милиони евра.
Босанското обвинителство објави дека операцијата е дел од голема акција против корупцијата и организираниот криминал, фокусирана на државните службеници.
Според информациите на обвинителството досега се уапсени најмалку 10 лица, вклучително неколку цариници, кои земале поткуп за пропуштање камиони на одредени компании при влез во земјата без да плаќаат данок за стоките што ги пренесуваат.