Грчката полиција во градот Верија уапси осум членови на десничарската партија „Златна зора“, меѓу кои е и кандидатот за пратеник Јоанис Сахинидис, за изборите кои треба да се оджат на 17 јуни.
Група анархисти се судрила со членовите на „Златна зора“, во моментот кога тие делеле предизборни летоци на централна улица во градот Верија.
Потоа, 20 членови на „Златна зора“ влегле во кафуле, каде што се наоѓале анархистите. Тие нападнале и претепале околу шест посетители во барот.
Од нередот предизвикана е материјална штета, а еден од настраданите е однесен во болница.
Претходно,портпаролот на грчката екстремна десничарска партија „Златна зора“, по кого е издаден налог за апсење поради нападот на две колешки од левичарските партии, на настап на телевизија, вели дека не се кае за тоа што го направил.
Инаку тој нападна и и удри шлаканици на членката на Комунистичката партија и ја полеа со вода членката на левичарската партија СИРИЗА.
„Настаните беа наместени, исклучива цел им беше да го предизвикаат мојот екстремен одговор“, напиша Касидиарис на сајтот на партијата.