Полицијата во Нови Пазар го уапси М.З. (66), државјанин на Македонија, под сомнение за сторени четири кривични дела тешка кражба.
Според полицијата, тој е осомничен дека помеѓу 29 април и 1 мај провали во џамии на подрачјето на Нови Пазар, Тутин и Сјеница, од кои украде пари од касите. Постои основано сомнение дека осомничениот провали во вкупно четири верски објекти, а полицијата го идентификуваше и уапси во соработка со колегите од Бујановац.
За време на претресот, кај М. З. се пронајдени нож и електрошокер, за што против него е поднесена прекршочна пријава согласно Законот за јавен ред и мир.
Со наредба на надлежното обвинителство, осомничениот е приведен до 48 часа, по што ќе биде приведен во Основното јавно обвинителство во Нови Пазар со кривична пријава за тешка кражба.
