Министрите за надворешни работи на Турција и Грција, Мевљут Чавушоглу и Никос Коѕиас ја поздравија одлуката на двете кипарски заедници да ги обноват преговорите за обединување на Кипар.
– Турција и Грција даваат целосна поддршка, меѓународната заедница дава целосна поддршка, 2015 година е добра можност, не сакаме да го пропуштиме тоа, изјави Чавашоглу.
Кипарскиот претседател Никос Анастасиадис и новиот лидер на кипарските Турци Мустафа Аканчи синоќа постигнаа договор да ги обноват преговорите на 15 мај.
Претходно, турскиот министер за надворешн работи Чавушоглу изјави дека Турција и Грција постигнаа договор околу повеќе мерки за зајакнување на безбедноста во Егејско Море.
Зборувајќи на заедничка прес-конференција со грчкиот колега Никос Коѕиас, кој се наоѓа во официјална посета на Турција, Чавушоглу не соопшти повеќе детали за планираните мерки.
Анкара и Атина имаат повеќедецениски спор за територијалните граници во Егејско Море.