Полицијата во Белград ги уапси Д.А.(41), М.М.(45) и Ј.А.(38), кои се осомничени за принуда и загрозување на безбедноста.
Како што информираат српските медиуми, на 13 декември, по полноќ, во Нов Белград, насилно влегоа во куќата на 33-годишен маж и неговата 28-годишна сопруга, нанесувајќи ѝ повреди удирајќи ја неколку пати со раце и нозе.
Полицијата соопшти дека Д.А., под закана со нож, го принуди мажот да ѝ ја исече косата на неговата сопруга со бонсек, а потоа осомничените си заминаа.
По интензивна потрага, полицијата ги пронајде и уапси насилниците.
Кај нив се пронајдени срп, синџир, нож-пеперутка, брич, бонсек и селотејп, за кои се сомнева дека се употребени при упадот во куќата.
Тие се приведени до 48 часа и, со кривична пријава, ќе бидат изведени во Обвинителството.