Извршниот директор на Светска банка Франк Хемскерк уверен е дека на 30 јуни Светската банка ќе одобри пакет од 100 милиони долари помош за Босна и Херцеговина.
– Станува збор за таканаречен брз кредит по посебни услови, а парите треба да се искористат за обнова на оштетените станбени објекти и инфраструктурата, изјави Хемскерк во Сараево по тридневните разговори со босанските владини претставниците за санирање на последиците од поплавите и за целокупната финансиска и економска состојба.
Тој наведе дека СБ е подготвена да и помогне на БиХ во санирање на последиците од поплавите, но инсистира на создавање на претпоставка за економски раст.
Вкупната штета од поплавите во БиХ изнесува две милијарди евра.