Судири избија меѓу турската полиција и антивладините демонстранти пред затворот во истанбулското предградие Силиври, каде денеска ќе бидат изречени пресудите за процесот Ергенекон во врска со наводниот државен удар против турската Влада.
Армијата не дозволува луѓе и автобуси да се приближат на три километри од затворот, пренесуваат турските медиуми.
Група демонстранти се обиделе да ги пробијат полицискиот кордон и да се приближат до затворот.
Војниците ги нападнале демонстрантите со пластични бомби, со цел да ги одбијат од намерата, по што избувнале судири. Засега нема информации за повредени.