Студентите на Државниот универзитет во Нови Пазар (ДУНП) влегоа во зградата на таа високообразовна институција и официјално ја започнаа блокадата на наставата.
Бета објави дека по повеќе од два часа менаџментот и вработените одбиле да ја отклучат вратата, па студентите ја отвориле вратата и влегле на Универзитетот.
Пред тоа тие едногласно, на пленум, гласаа за блокирање на Универзитетот.
Влегувањето на над стотина студенти во зградата, пропратено со громогласни одобрувања и аплаузи, беше проследено од десетици граѓани кои дојдоа да им дадат поддршка.
Граѓаните останаа надвор од зградата се додека студентите внатре не ги затворија вратите и официјално не ја започнаа блокадата.