Српскиот весник „Курир“ соопшти синоќа дека премиерот на Црна Гора Мило Ѓукановиќ со негирањето на обвиненијата на овој медиум, всушност ги потврдил истите тие обвиненија.
– Господине Ѓукановиќ ние не пишуваме во шифри, што е својствено на Дарко Шариќ. Вашиот рецепт за притисок врз медиумите го потврдија и нашите колеги од Црна Гора, нагласува „Курир“ во соопштението за медиумите.
Ѓукановиќ претходно денеска го предупреди српскиот премиер Александар Вучиќ дека „раксописот“ на поединечни написи во белградските весници многу личи на оној од 2003 година, а премиерот Вучиќ, со благодарност за грижата порача дека српската држава е посилна од оние, кои сакаат да ја урнат.