Границата меѓу Хрватска и Србија, која се протега на точно 1001 километар, и по повеќегодишните преговори и натаму е спорна и тоа за околу осум отсто од граничната линија, но решавањето на тој проблем е во целосен застој, предупреди претседателот на Државната комисија за граници на БиХ Ненад Бајиќ.
– Нема никакви состаноци на кои би се разговарало за тоа прашање, а во последните неколку години одржан е само еден полусостанок, рече Бајиќ.
Тој додаде дека не е ништо подобро ниту кога во прашање е дефинирање на границите на БиХ кон Србија, каде е спорно повлекување на гранична линија на четири локации, пишува „Независне новине“.
Бајиќ рече дека се размислувало и за меѓународна арбитража но засега важи договорот спорните прашања да се решаваат со директни преговори.