Сузана Васиљевиќ – советничка на претседателот на Србија, Александар Вучиќ изјави дека веста дека српскиот претседател „побарал покана за Бледскиот стратешки форум, но не ја добил“ е неточна.
„Претседателот Вучиќ никогаш не побарал покана за учество на Бледскиот стратешки форум, ниту пак имал намера да присуствува на тој настан. Учеството на Република Србија на Форумот беше јасно планирано и договорено преку учеството на министерот за надворешни работи Марко Ѓуриќ“, изјави Васиљевиќ за дел од српските медиуми, во согласност со протоколот и форматот на самиот состанок.
Дел од медиумите кај северниот сосед пишуваат дека претседателот и премиерот на Србија дури и не беа поканети на Бледскиот стратешки форум, изјавиле од словенечкото Министерство за надворешни и европски работи.
Според неофицијални информации, претседателот на Србија побарал покана за Блед, но не ја добил.