Претседателот на „Листа Српска“ Славко Симиќ се заблагодарил на косовскиот премиер Иса Мустафа и на претседателот Хашим Тачи, што независно од противењето на дел од албанската заедница на Косово, конечно нашле храброст јавно да го поддржат процесот за формирање Заедница на српски општини и почетокот со работа на Оснивачкиот совет на Заедницата.
– Задоволен сум од фактот што договорот на коалицијата, Демократската партија на Косово,Д емократскиот сојуз на Косово и Листа српска почна да се спроведува, изјави Симиќ, јави телевизијата Клан Косова.
Според истиот извор, тимот задолжен за формирање на Заедницата го сочинуваат Игор Каламар, Дејан Радојковиќ, Винка Радосављевиќ и Светислав Дурлевиќ. Радослављевиќ и Дурловиќ доаѓаат на местото на Љубомир Мариќ, кој сега е министер во косовската влада и Драган Јаблановиќ, актулен претседател на општина Лепосавиќ.
Заменик министерот за локална самоуорава Бајрам Гецај, изјави дека оваа екипа е дел од инситуциите на Косово и оти ќе функционира единствено во координација со Владата и меѓународните мисии на Косово.
Формирањето на Заедница на српски општини е предвидено со првиот договор за нормализција на односите меѓу Србија и Косово од 19 април 2013 година.