Земјотрес со интензитет од шест степени според Рихтеровата скала беше регистриран денеска во околината на грчкиот остров Родос, јавија турските медиуми.
Потресот е регистриран во 16:55 часот по локално време.
Земјотресот бил почувствуван и во турските окрузи Анталија и Мугла, како и во други области на турското крајбрежје на Егејското и Средоземното море.
Засега нема податоци за евентуални жртви или причинета материјална штета.