Затворениците од Kазнено-поправниот дом во црногорското место Спуж денеска започнуваат штрајк со глад, поради лошите услови во затворот и поради тоа што никој од надлежните не реагирал во врска со иницијативата за донесување закон за амнестија на осудените лица, покрената пред повеќе од половина година.
Затворениците најавија дека од своите ќелии ќе ја исфрлат целата храна, а како главни причини за штрајкот ги наведоа пренатрупаноста во затворот, неадвекатната медицинска заштита, лошата исхрана, како и слабото функционирање на Законот за условна слобода.
Тие потсетија дека иницијативата за донесување на закон за амнестија ја поддржале 20 илјади граѓани.
Црногорското Министерство за правда соопшти дека Владата „на некоја од следните седници“ ќе ја разгледа иницијативата и ќе донесе одлука по неа.