Русија на заседанието на Управниот одбор на Советот за спроведување мир, кој оваа недела се состана во Сараево на ниво на политички директори, првпат и сугерирала на БиХ дека не треба во политиката да се ограничи само на евроатланските интеграции, пишува бањалучкиот весник „Независне новине“.
Според весникот, западните медиуми го оценуваат ваквиот потег на Русија како директна најава дека Русија „расчистила со Западот во давањето поддршка на босанските реформи со цел членство во ЕУ“.
Од друга страна, рускиот амбасадор во БиХ Петар Иванцов истакна дека народот во земјата има право да избере кои интеграции ги сака, но дека разговорите за членство во Унијата „се евидентно во застој“.