Неколку стотици поддржувачи на грчката крајнодесничарска партија Златна зора се собраа денеска пред полициската станица, откако полицијата го уапси лидерот на партијата и над десетина високи партиски членови и пратеници.
Партијата на својата веб страница повика на протест во знак солидарност со нејзиниот лидер Николаос Михалолиакос.
Грчкиот премиер Андонис Самарас ја отфрли можноста за предвремени избори по апсењето на лидерот на Златна зора.
Според обвинителството уапсените може да се соочат со обвиненија за убиство, напад, бомбашки напади, изнуди и перење на пари, пренесува ДПА.
Полицијата запленила две оружја и ловџиска пушка од домот на Михалолиакос, за кои тој немал дозвола.
Лидерот на Златна зора, нејзиниот портпарол, двајца пратеници други членови на партијата беа уапсени денеска под обвинение за создавање криминална организација.
Расиситички мотивираното насилство бележи подем во Грција во изминатите години и властите ја обвинуваат Златна зора за голем дел од овие напади.