Лекарите во Црна Гора изутринава прекинаа со работа на 15 минути во знак на протест поради убиството на нивниот колега Слободан Лукиќ во Србија, соопшти српската телевизија РТС.
Лукиќ беше убиен пред неколку дена од незадоволен пациент во Краљево, Србија.
Синдикалниот лидер на Клиничкиот центар на Црна Гора Владимир Добричанин објасни дека лекарите одлучиле да организираат краток протест, бидејќи не може да се делат, без разлика што работат во различни држави. Добричанин изјави дека акцијата е знак на поддршка за лекарската професија во регионот.