Две тела се пронајдени на околу 700 и 1.000 метри од местото каде што последен пат биле видени младите во очајна прегратка
Патриша Кормос (20) и Бјанка Дорос (23) беа пронајдени мртви откако исчезнаа во поплавата во петокот.
Пожарникарите во водите на реката идентификувале безживотни тела на две девојки. Идентификувани се од противпожарните единици и екипите на цивилната заштита, кои трет ден по ред се ангажирани во овој случај.
Тројцата млади последен пат беа видени во очајна прегратка сред водата, пред да бидат однесени од водите на реката Надижа.
Тие исчезнаа во петокот околу 14 часот. Се сликаа покрај реката Надижа, кога нивото на водата наеднаш почнало да расте. Кога водата дошла до нивните глуждови и колена, тие се прегрнаа и чекаа помош, надевајќи се дека ќе ја совладаат силата на реката.
За жал, спасувачите не успеале да ги извлечат, а младите исчезнаа во поројот. Видеото од нивната последна прегратка стана вирално во регионот.
Во меѓувреме, беше пронајдена чантата на Патриша, а внатре беше нејзиниот телефон.
Во близина е пронајден автомобил со романски регистарски таблички, а медиумите објавија дека исчезнале млади луѓе од Романија.