Американската воздухопловна сила соопшти дека италијанска спасувачка екипа, од Јадранско море извлече остатоци од авионот, за кои се верува дека припаѓаат на американскиот борбен авион Ф-16.
И покрај напорите на американските и италијанските спасувачи, се уште нема трага од пилотот. Авионот Ф-16 бил на обука за ноќно летање, кога се прекинала неговата врска со базата на НАТО.
Американскиот борбен авион исчезна во понеделник, додека летал заедно со другите авиони во североисточна Италија.