Хрватскиот премиер Зоран Милановиќ в петок ќе се сретне со словенечката премиерка во оставка Аленка Братушек и австрискиот канцелар Вернер Фајман. Средбата ќе биде на Брдо кај Крањ, како дел од трилатералните средби со цел зајакнување на соработката во рамките на Европска унија.
Првата трилатерална средба одржана е во август 2013 година во Грац, а потоа уследија повеќе неформални билатерални состаници.
Средбата во Грац беше на иницијатива на Австрија по влезот на Хрватска во ЕУ, а разговорите беа посветени на солидарноста во рамките на Унијата, инвестициите и вработувањето.
Австрискиот канцелар Фајман пред мини балканската турнеја истакна дека средбите со државните претставници од регионот е да се промовира идејата на мирот по повод одбележувањето на 100-годишнината од почетокот на Првата светска војна, а и ќе се разгледува помошта за настраданите подрачја во поплавите и ќе се даде поддршка на политичките реформи во земјите на југоисточна Европа.