По објавувањето на конечните резултати од вонредните парламентарни избор во Косово, кои се одржаа на 14 февруари, до Изборниот панел за поплаки и претставки (ПЗАП) се поднесени вкупно 208 жалби од неколку субјекти кои учестуваа на изборите.
Во денешното соопштение на ПЗАП се вели дека веќе е започната процедурата на разгледување на жалбите, кои незадоволните од резултатите кои вчера ги објави Централната изборна комисија (ЦИК) истече денеска во 11 часот и 25 минути. Панелот има рок од 72 часа да одлучи по поплаките.
Според конечните резултати од вонредните парламентарни избори кои ги бјави вчера ЦИК, апсолутен победник, со освоени 49,95 отсто од гласовите и 58 пратенички места, е партијата на Албин Курти, Движење самоопределување (ВВ).
Второрангирана, со освоени 16,9 отсто , е Демокртската партија на Косово (ПДК), додека досега владејачките, Демократскиот сојуз на Косово (ЛДК) и Алијансата за иднината на Косово (ААК) освоија по 12,64, односно 7,07 отстоод гласовите.
Според овие резултати, ПДК обезбеди 19, ЛДК 15, а ААК осум пратенички места. Десет места во 120-членото Собрание на Косово, според Уставот, се резервирани за претставниците на српската заедница, а исто толку и за оние на помалите етнички заедници.