Убиено е девојчето Данка Илиќ (2), а поради ова злосторство што ја потресе Србија, регионот и Европа, вчера беа уапсени двајца осомничени Срѓан Јанковиќ и Дејан Драгијевиќ и одредена им е мерка притвор.
Полицијата трага по телото на малата Данка Илиќ. Осомничените за нејзиното убиство беа сослушани во Обвинителството, по што Судот им одреди мерка притвор во траење од 30 дена.
Осомничениот Срѓан во Обвинителството се бранел со молчење, додека Дејан го признал делото, а потоа рекол дека татко му и брат му помогнале да го сокрие телото. Тие вчера биле донесени во полициска станица и задржани се до 48 часа.