Пограничните пропусници што ги користат граѓаните од двете страни на границата меѓу Хрватска и Босна и Херцеговина, по влезот на Загреб во Европската унија, поскапеа за 400 отсто.
Од почетните 60 куни сега тие чинат 300 куни, односно околу 40 евра.
Врз основа на Договорот за пограничен промет и соработка меѓу Хрватска и БиХ, склучен во 2003 година, во полициските управи и станици во пограничното подрачје почна издавање погранични приопусници чија цена беше 60 куни. Но, од 1 јули пограничните пропусници според новите правила поскапеа многу што предизвика огорчување кај локалните жители, јавуваат локални медиуми.
Се уште не е познато колку ќе чинат пропусниците за државјаните на Хрватска, но се претпоставува дека ќе бидат околу 80 конвертибилни марки (35-40 евра).