Грчкиот владин портпарол ги повика сите демократски политички сили „да направат ѕид пред тензиите и насилството во државата“ нагласувајќи дека Златна зора ќе биде отстранета, објави весникот Етнос.
– Не може над законот да поставиш парламентарна партија, но можеш да ја ставиш таа организација пред законот, изјави Симос Кедикоглу.
Тој додаде дека Владата прави напори за да се справи на законски начин со Златна зора.
– Тие мислат дека може да донесат резултати кои ги сакаат граѓаните, нагласи тој.
Неонацистичката партија Златна зора има 18 пратеници. Изјавата на портпаролот е дадена откако во ноќта меѓу вторникот и средата беше убиен 34-годишен музичар, антифашист од страна на 45-годишен маж кој се претставил како член на Златна зора.
Убиството ја шокира Грција и предизвика бурни протести во државата.