Турски суд денеска ослободи 21 човек на судењето против 275 луѓе меѓу кои е и поранешниот началник на ГШ на турската арммија.
Тие беа обвинети за заговор да ја урнат владата, јави НТВ.
Меѓу обвинетите се и Илкер Башбуг, поранешен началник на ГШ како и други офицери, адвокати, академци и новинари.
Тие се обвинети за припадност во терористичка организација, незаконско поседување оружје и поттикнување на вооружен бунт против Ердоган и неговата Партија на правдата и развој.
Обвинението има 2.455 страници и во него припадниците на терористичката органзиација Ергенекон се обвинети за серија напади и политичко насилство.
Турската секуларна опозиција го осуди процесот кој почна во 2008 година нарекувајќи го лов на вештерки за да се замолчат критичарите на власта.