Забрзано расте водата во Рамско Езеро на Хидроелектраната „Рама“ во Босна и Херцеговина, каде уште 3,5 сантиметри ја делат браната од прелевање, а во случај на испуштање на водата од хидроакумулацијата можни се поплави се до Јадранско Море.
Поради тоа Федералниот штаб на цивилната заштита издаде предупредување до населението од реонот на река Рама, Јабланичкото Езеро и Неретва, да биде внимателно и оти е можна евакуација.
Посебно е загрозено населението во реонот на населбата Грачаница, во Општина Прозор.
Вондредни одбранбени мерки од поплави се во сила на три реки – Крупа, Требижат и Сана.