Омбудсманот е првата уставна институција во Турција што на својот сајт објави соопштение на курдски јазик, во кое фигурираат буквите „w, x, q“, што во земјата се сметаат за забранети, пренесе турската приватна телевизија Си-Ен-Ен-Турк.
Овие латински букви, што се користат при пишување на курдски јазик, не фигурираат во азбуката прифатена меѓу Турците.
Соопштението, ставено на Инернет страницата на институцијата Омбудсман, било преведено, исто така, на арапски и англиски јазик.
Одлуката на Омбудсманот да го стави текстот на курдски јазик доведе до коментари дека тоа може да се сфати како знак за фактичко повлекување на забраната со која се судруваат курдските општини кога на парковите и улиците ги ставаат имињата на курдски јззик, посочува Си-Ен-Ен-Турк.
Курдската азбука не е призната во Турција и употребата на курдските имиња, кои ги соддржат буквите „w, x, q“, не е дозволена.
До доаѓањето на власт на Партијата за правда и развој во 2002 година врз употребата на курдски јззик во Турција се применуваа уште построги рестрикции, а јазикот беше забранет во образованието и медиумите.
Во последната деценија беа спроведени реформи за проширување на правата на Курдите.