„Во случајот против Иво Санадер, докажано е дека ја злоупотребил положбата и овластувањата и примал мито“, рече обвинителството во завршните зборови на судењето во Загреб.
Според обвинителката Тамара Лаптош, Санадер е виновен и за воено профитерство.
Обвинет е дека земал мито во висина од 794.000 евра провизија од австриската Хипо банка. Ова, рече е земено во време кога бил заменик-министер за надворешни работи и ги користел за време на војната и висока инфлација, поради што Хрватска тешко доаѓаше до пари од меѓународните финансиери, и затоа ова е воено профитерство.
Санадер ги отфрли сите обвинувања дека примал мито и дека е воен профитер.