Во Ургентниот центар во Белград денеска е примен М.М. (26) со повреда на лицето најверојатно предизвикана од секира, пишува „Telegraf.rs“.
Неофицијално, младиот човек бил нападнат на пумпата во населбата Чукарица.
Според сведокот, додека стоел на пумпата, му се приближиле двајца мажи. Едниот имал чекан, а другиот секира.
По вербалната пресметка, еден од напаѓачите зел секира и го удрил младиот човек по главата.
Напаѓачите влегле во автомобил и избегале кон центарот на градот.
Покрената е потрага по напаѓачите.
Според последните информации, кај М.М. се констатирани тешки повреди, но неговиот живот не е во опасност!