Од вкупниот број на склучени бракови годишно во БиХ во повеќе од 10 отсто од случаите судбоносното „да“ го изговараат девојки помлади од 18 години, а најмладата мајка имала само 12 години.
Статистиките покажуваат дека во Република Српска во 2011 година се склучени 5.800 бракови, од кои во брачна заедница стапиле 520 невести и 45 младоженци на возраст од 15 до 19 години.
Од друга страна, според податоците на ентитетските агенции за статистика, во овој период мајките помлади од 18 години родиле 985 деца, а најмладата меѓу нив имала само 12 години.
Најчести причини за стапување во брак се веќе заснованата брачна заедница и бременоста, а истражувањето на Омбудсманот за деца на РС покажува дека во последните две школски години, средното образование поради брак и бременост во РС го напуштиле дури 74 ученички.