Во Белград, во понеделникот вечерта дојде до сериозна физичка пресметка меѓу двајца мажи, а сè започна, според неофицијални информации, поради кавга за паркинг место.
Инцидентот се случи по вербална расправија што избувна меѓу двајца млади мажи. Расправијата набрзо прерасна во физичка пресметка, кога осомничениот наводно користејќи дигалка за автомобил како оружје, ја удираше жртвата во главата.
На повредениот веднаш му е укажана медицинска помош, а повредите му се санирани во Ургентниот центар.
Тежината на повредите сè уште не е позната.
Полицијата спроведе истрага на лице место.
Против осомничениот е поднесена кривична пријава.