Претседателот на Сенатот на Државната ревизорска институција на Црна Гора Мирослав Иванишевиќ поднесе денеска оставка на функцијата, откако е објавена снимка на негови интимни разговори и однесување во службениот кабинет со едно женско лице.
Иванишевиќ, како што пренесоа црногорските медиуми, му се извини на семејството, на граѓаните, истакнувајќи дека неговото однесување е „недостојно“ за толку важна државна функција.
Во образложението на оставката се наведува дека Иванишевиќ не сака со своето останување на функцијата да ги „оптоварува структурите и процесите“ во Црна Гора.
Жената со која Иванишевиќ бил во интимна врска во средата им достави на црногорските весници аудио и виде снимки на неговите разговори со неа, како и видео снимки на кои се гледа како тој во долна облека се облекува во својот кабинет. Таа личност изрази подготвеност се што изнесува за Иванишевиќ да „го повтори пред судот“.