Преставниците на македонското, грчкото, влашкото, ромското и српско-црногорското малцинство, незадоволни од спроведеноста на неодамнешниот попис, потпишале Декларација против официјалните резултати од Пописот 2011 и истата ја испратија до сите албански и меѓународни институции.
“Ние преставниците на малцинствата во Република Албанија изјавуваме пред албанската јавност и државните и меѓународните институции, дека не ги признаваме официјалните објавените резултати од пописот 2011 година. Ние ги сметаме нив за крунисување на сите спроведени активности на штета на малцинствата од страна на државните, политичките и медиумските преставници”, стои во Декларацијата.
Членовите на малцинските здружанија сметаат дека процесот на попишување на населението се вршел на недемократски и нетранспарентен начин со бројни прекршоци и со манипулирање на податоците. Затоа тврдат дека добиените бројки за малцинствата и верската припадност на населението не ја претставуваат реалноста во Албанија.
Инаку, според резултатите на пописот, како Македонци се изјасниле само 5.870 лица, односно 0,2 отсто од вкупното население кое брои 2,89 милиони жители. Како Албанци, пак, се декларирале 83,2 отсто или 2.329.715 лица, додека, од малцинствата, 0,89 отсто им припаѓа на Грците и по 0,3 отсто на Ромите и Власите.