Лидерот на „Движењето Европа сега“ Милојко Спајиќ ќе биде кандидат на претседателските избори во Црна Гора, објави движењето и ги повика сите партии кои ја споделуваат нивната визија за земјата да ја поддржат кандидатурата на Спајиќ.
„Сега, по пошироки консултации, Претседателството на „Движењето Европа сега“ едногласно одлучи на претстојните претседателски избори да се кандидира за Спајиќ, се вели во соопштението, пренесува МИНА.
Како што се додава, одлуката на Претседателството ќе биде испратена до Главниот комитет на верификација.
Од тоа Движење велат дека релевантните и кредибилни истражувања на јавното мислење кои се направени, јасно покажуваат дека претседателот на „Движењето за Европа сега“ влегува во вториот круг и ќе го победи кандидатот на Демократската партија на социјалистите, кој и да е тој.
„Ги покануваме сите граѓански и малцински партии кои ја споделуваат нашата визија за Црна Гора да го поддржат Спајиќ и да бидат дел од големата победа на претстојните избори и со тоа да придонесат за обединување на вистински европски и демократски сили“, велат од Европа сега.
Извор: МИА