Претседателот на црногорскиот Парламент и лидер на Социјалдемократската партија (СДП) Ранко Кривокапиќ денеска изјави дека се уште не знае кој е победник на претседателските избори, додавајќи дека се покажала исправна одлуката партијата да не поддржи ниту еден претседателски кандидат.
– Се знае кој е победник на овие избори, тоа се граѓаните кои ја подддржаа политиката на СДП, но се уште не се знае кој е ставрниот победник на претседателските избори, се уште се чека конечната одлука на надлежните државни органи, посочи Кривокапиќ.
Тој повтори дека СДП не поддржала ниту еден од претседателските кандидати.
Политичката криза во Црна Гора не се намали ниту откако Државната изборна комисија ги објави перлиминарните резултати од гласањето, според кои победи Филип Вујановиќ, додека Миодраг Лекиќ ги оспорува резултатите и бара повторно пребројување на гласачките ливчиња.