Книгата на Радина Вучетиќ „Кока-Кола социјализам“ е една од најпродаваните во српските книжарници.
Авторката во своето дело ја анализира Југославија во ’60-те години на минатиот век и американизацијата на земјата, во која беше возможно да си Титов пионер и да гледаш цртани филмови на Волт Дизни, во која постоеја рок едн рол песни за Тито и во која се пиеше американската Кока-Кола и рускиот квас. Во истовреме власта не смееше да биде критикувана и беа забранети филмовите кои содржеа критики кон режимот.
На презентацијата беше истакнато дека станува збор за продлабочено истражување на сложениот феномен – американизацијата на Југославија, без кој е тешко да се разбере што подоцна се случило со земјата.
Во книгата авторката го споредува југословенското искуство со искуствата во други земји од источниот блок и заклучува дека Југословените не биле толку „позападни“ од своите соседи колку што сметале дека се.
– Оваа книга не е само за американизацијата на Југославија, туку и за Тито, влијанието на Студената војна, но пред се за обичните луѓе, кои слушале џез, оделе на игранки, го отвориле првиот супер маркет по пример на американските, изјави Вучетиќ.