Хрватски археолози, кои го истражуваат праисторискиот локалитет Градац недалеку од Вуковар, вчера пронајдоа рогови на елен капиталец стари 6.500 години.
Шефот на археолошкиот тим Марсел Буриќ од Филозофскиот факултет во Загреб вели дека најверојатно се работи за рогови од елен кои биле обесени на ѕид на праисториска куќа како ловечки трофеј.
Според него, се работи за најстариот ловечки трофеј на елен капиталец во Хрватска.
Инаку, на локалитетот Градец археолозите ги истражуваат праисториските сопотски и винчански култури.