Првиот вицепремиер и министер за финансии на Србија – Синиша Мали денес изјави дека на социјалната мрежа Фејсбук се појавила реклама со неговиот лик за веб-страница преку која, наводно, може едноставно и лесно да се заработат многу пари и ги предупреди сите граѓани дека станува збор за измама.
„Ова е интернет измама и ги молам граѓаните да не веруваат во рекламата, да не ја користат веб-страницата и да не наседнуваат на овие обиди да бидат измамени. Апелирам до сите да бидат внимателни и да не користат веб-страници, линкови или страници што ветуваат лесна заработка“ – напиша Мали на својот Фејсбук профил.
Како што изјави, ќе побара од меѓународната платформа, преку која е објавена оваа лажна реклама, што поскоро да ја отстрани споменатата содржина.
