Во болницата во Сремска Митровица, денес околу 13 часот почина млад човек кој беше повреден во сообраќајна несреќа на автопатот Рума – Шабац, а уште три лица починаа на самото место во несреќата.
Како што пренесуваат српските медиуми, 25-годишник е донесен во Здравствениот дом во Сремска Митровица по несреќата, каде што, и покрај напорите на лекарите, им подлегна на повредите.
Уште едно лице кое е повредено е пренесено во болницата во Шабац.
Причината за несреќата најверојатно е неправилно влегување на автопатот.
Сообраќајот во правец на Рума е запрен, а полицијата и обвинителот се на терен и спроведуваат истрага.
Според медиумските извештаи, возачот на автомобил „форд“ возел во спротивна насока со брзина од 130 километри на час, а во сообраќајната несреќа учествувал и „голф“.