Приморската полиција во Херцег Нови, со помош на двајца граѓани, спаси повеќе лица меѓу кои и пет деца, на кои животите им биле загрозени, кога поради лошото време, потонал чамецот во кој се наоѓале.
Агенциите пренесуваат дека чамецот потонал кај островот Мамула и дека евакуацијата на загрозените се одвивала поединечно.
Според наводите на полицијата лицето А.И. дало значителна помош во спасувањето, така што пливало до загрозените и со помош на појас за спасување евакуирало едно по едно лице до полицискиот брод.
Сите патници, успешно се транспортирани до пристаништето во Жањица.
Елена Георгиевска