Се спасува ли Грција од економската криза со распродажба на националното богатство. Според грчката телевизија „Антена“, Грција планира да продаде имоти во странство во кои се сместени дипломатски мисии.
Информацијата е објавена во електронското издание на Блумберг бизнисвик.
Според неименувани извори на списанието, во списокот на евентуални продажби се зградата на конзуларната служба во Лондон, која е во вториот најскап реон во британскиот главен град како и имоти во Брисел и Белград.
Се планира продажба или изнајмување долгорочно и на дворецот на кралското семејство во Тати, на 15 км. северно од Атина. Објектот бил летна резиденција на фамилијата и таму е роден кралот Јоргос Втори.