Силно невреме зафати на повеќе места во Црна Гора, а во Херцег Нови наврнаа над 50 литри дожд на метар квадратен.
Над 50 литри дожд на метар квадратен наврнаа за кратко време во Херцег Нови, кои предизвикаа поплави во згради и јавни површини, како и одрони на патиштата, објави „Мондо,рс“.
Herceg Novi. Upravo. pic.twitter.com/e1PEwEQKjE
— Fani Lik (@LikFani) September 9, 2022
Невремето предизвика и колапс во сообраќајот. Како последица на обилните врнежи, поплави имаше и во Стариот град на Будва. Поплавен е и тунелот Могрен на влезот во Будва од правец на Котор.
Шефот на Службата за заштита и спасување, Драган Божовиќ за „Вијести“ изјави дека пожарникарите од утрово имале повеќе од 20 интервенции во градот, по повиците на граѓаните дека водата им ги поплавила гаражите и приземјето.
Од комуналното претпријатие наведуваат дека работниците од работната единица „Чистота“ се на терен и со полни раце работа.