„Грција треба да почне половина од своите пензии и платите на државните службеници да ги исплатува во драхми како дел од постепеното излегување од евро зоната“, вели генералниот секретар на Христијанската социјална Унија Александар Добринт.
Тој во повеќе наврати досега истакна дека на Грција ќе и биде подобро доколку излезе од евро зоната.
„Што се однесува на Грција, со неа стигнавме до крајот на патот. Веќе не смее да има дополнителна помош. Земјата која не сака да ги исполни условите или не е во состојба тоа да го направи, мора да добие прилика надвор од евро зоната“, рече тој.
Христијанската Унија досега ги критикуваше европските пакети за помош на Грција, но неговите коментари упатуваат на степенот на незадоволство на Германија во поглед на неуспехот на официјална Атина да ги исполни реформските цели договорени во рамки на упатените пакети за помош во вредност од 130 милијарди евра.