Поранешниот шеф на италијанската дипломатија и потпретседател на Европската комисија Франко Фратини прифати понуда од Владата на Србија, во улога на советник да помогне во процесот на придружување на Србија во Европската унија, особено кога станува збор за поглавјата 23 и 24 од пристапните преговори.
Фратини своите активности ќе ги спроведува без надомест и со помош на лични контакти со првиот потпретседател на Владата на Србија Александар Вучиќ, соопшти владината Канцеларија за односи со јавноста.
– Благодарение на исклучителното и долгогодишно искуство на највисоко ниво во европските и светски институции и кредибилитетот во меѓунардоната заедница, Фратини ќе и помага на Владата на Србија во процесот на европски интеграции, особено во врска со поглавјата 23 и 24 од пристапните преговори, се додава во соопштението.