Европската унија замрзнува 4,5 милиони евра за два проекти за помош на туризмот во Босна и Херцеговина поради несогласувања меѓу босанските власти за нивното спроведување.
Проектите биле насочени кон стимулирање на еконосмкиот раст на земјата преку поддршка на мали и средни претпријатија и туризмот, двете најконкурентни економски области во Босна и Херцеговина.
Во јуни од истите причини беа замрзнати други пет милиони евра од фондовите на ЕУ, наменети за проекти во земјоделството и руралниот развој.
БиХ се уште има можност да постигне согласност за реализирање на проектите.
Советот на претставници од БиХ и ЕУ за искористување на средства од ИПА програмата ќе се сретнат на 10 септември со цел да одлучат дали проектите ќе бидат прекинати или нивната имплементација може да продолжи.