Институциите на Европската унија според најавите од Брисел ќе се занимаваат со аферата за вработување, врз партиска основа во Црна Гора.
Некои медиуми пренесоа дека тоа прашање во Европскиот парламент ќе го покрене пратеничката група Европска слободна алијанса на зелени, откако неодамна обелодени видеото за расправа на седниците на владеачката Демократска партија на социјалисти, за вработување на партиски членови.
Невладините организации во Црна Гора ја критикуваа оценката на врховното државно обвинителство, дека во споменатата расправа нема елементи за кривично дело, а има барање против главниот актер во расправите, пратеникот Зоран Јелиќ да започне судска постапка.
Јелиќ кој е поранешен директор на Државниот завод за вработување изјави дека не се чувствува одговорен поради учеството во расправите на сединиците.