Црна Гора е пример во регионот и кога станува збор за европските интеграции, а борбата против криминалот и корупцијата и понатаму треба да бидат врвни приоритети на државата, изјави денеска високиот претставник на ЕУ за надворешни работи и безбедносна политика Кетрин Ештон.
Таа по средбата со црногорскиот премиер Мило Ѓукановиќ и шефот на дипломатијата Игор Лукшиќ истакна дека не случајно ја избрала Црна Гора како прва држава што ќе ја посети на нејзината балканска турнеја.
– Сакам прогресот на Црна Гора во европските интеграции да биде стабилен, а на тој план е многу важно борбата против организираниот криминал и корупцијатра да бидат приоритет, посочи Ештон.
Таа осврнувајќи се на црногорските претседателски избори ги повика сите страни да бидат конструктивни за тоа прашање.